ჰოკინგმა შავ ხვრელებში იპოვა გასასვლელი სხვა სამყაროებში
ჰოკინგმა მეცნიერებს მოუწოდა გადააფასონ კვანტური მექანიკის ერთ-ერთი პრინციპი.
ინფორმაცია რომელიც მოხვდა შავ ხვრელში, უკვალოდ კი არ იკარგება, არამედ გადადის ალტერნატიულ სამყაროში, ივარაუდა ფიზიკოსმა და მეცნიერების პოპულარიზატორმა სტივენ ჰოკინგმა, რაც საჯაროდ განაცხადა სტოკჰოლმში ჰოკინგის გამოსხივებისადმი მიძღვნილ კონფერენციაზე.
ფიზიკოსის გამოსვლა და მისი რეზიუმე მოცემულია ბრიტანეთის სამეფო ტექნოლოგიური ინსტიტუტის საიტზე.
10 მილიონიანი ტირაჟის მქონე წიგნის „დროის მოკლე ისტორიის“ ავტორმა ივარაუდა, რომ შავი ხვრელები მონაცემებს გარდაქმნიან ორგანზომილებიან ჰოლოგრამად, რომელიც შეკუმშულია ქაოსური ფორმით. ამასთანავე, თავად ინფორმაცია არ აღწევს შავი ხვრელის შიგნით და რჩება მის განაპირას, მოვლენების ჰორიზონტზე, „სუპერტრანსლაციის“ ფორმით.
„არსი მდგომარეობს იმაში, რომ სუპერტრანსლაცია წარმოადგენს ჰოლოგრამას, მასში შემავალი ნაწილაკებით. შედეგად ისინი შეიცავენ ინფორმაციას, რომელიც სხვაგვარად დაკარგული იქნებოდა.“ - განმარტა ფიზიკოსმა.
კვანტური მექანიკის ახლანდელი პრინციპები ამბობენ, რომ ინფორმაცია არ შეიძლება ბოლომდე დაიკარგოს შავ ხვრელშიც კი; ამავე დროს, თუ ინფორმაცია მოხვდა შავ ხვრელში, მისი დაბრუნება უკვე შეუძლებელია, რაც იმას ნიშნავს, რომ შეგვიძლია იგი ჩავთვალოთ სამუდამოდ დაკარგულად. ჰოკინგის ვარაუდი წინააღმდეგობაში მოდის ამ პრინციპებთან და ვარაუდობს ინფორმაციის შავი ხვრელიდან „თავის დაღწევის“ შესაძლებლობაზე.
ჰოკინგმა ასევე განმარტა, რომ ინფორმაცია არ ნადგურდება სამუდამოდ, თუმცაღა ჩვენს სამყაროში საწყისი ფორმით უკვე ვეღარ დაბრუნდება, სამაგიეროდ შეუძლია მოხვდეს სადმე სხვაგან.
„შავი ხვრელების ალტერნატიული თეორიების არსებობა მიუთითებს იმაზე, რომ ეს შესაძლებელია. ხვრელი უნდა იყოს დიდი, მაგრამ თუკი იგი მბრუნავია, მასში შესაძლებელია იყოს სხვა შამყაროში გადასასვლელიც. მაგრამ ჩვენს სამყაროში უკან დაბრუნებას, უკვე ვეღარ შეძლებთ“- აღნიშნა მან.
„ამიტომ მე არ ვისურვებდი კოსმოსში გაფრენას“ -გაიხუმრა ფიზიკოსმა, მაგრამ თქვენ თუ იგრძენით, რომ შავ ხვრელში მოხვდით, არ დანებდეთ. გამოსავალი მაინც არის“