გრანტის მაძიებელი იდეალური აბიტურიენტი
კითხვაზე, თუ როგორ გამოიყურება გრანტის მაძიებელი იდეალური აბიტურიენტი, ერთმნიშვნელოვანი პასუხი არ არსებობს. ყველაფერი დამოკიდებულია იმაზე, თუ რა პირობების დაკმაყოფილებას მოითხოვს ესათუ ის საგრანტო კონკურსი ან სასტიპენდიო პროგრამა.
ასეულობით სხვადასხვა საგრანტო და სასტიპენდიო პროგრამა არსებობს. ზოგიერთი მათგანი ფარავს მხოლოდ მცირე, ხარჯებს, ხოლო სხვები კი სწავლის წლიური გადასახადს ათეულ ათასობით დოლარს.
თვითეულ საგრანტო თუ სასტიპენდიო კონკურსს განსხვავებული მოთხოვნილებები გააჩნია მაძიებლის მიმართ, ამიტომ ძალიან მნიშვნელოვანია ინდივიდუალური მიდგომა თვითეული ასეთი პროგრამისადმი. არ არსებობს საერთო კლიშე, რითიც შესაძლებელი იქნებოდა ესარგებლა მაძიებელს. ამდენად უაღრესად მნიშვნელოვანია დაწვრილებით გაეცნოთ თვითოეული პროგრამის მიზნებსა და მაძიებლისადმი მოთხოვნილებებს და განაცხადები შეავსოთ ამ ინფორმაციის გათვალისწინებით. ეს არ ნიშნავს რომ რაიმე არარსებული მიაწეროთ საკუთარ თავს. უბრალოდ, აუცილებელია, პროგრამის მოთხოვნილების მიხედვით შეცვალოთ თქვენი მიღწევებისადმი, უნარ-ჩვევებისადმი თუ გამოცდილებისადმი ხედვის რაკურსი, რათა თქვენთვის ხელსაყრელი კუთხით წარუდგინოთ ეს ყველაფერი საგრანტო ადმინისტრაციას.
მართალია ერთიანი კლიშე იდეალური მაძიებლისათვის არ არსებობს, მაგრამ არის ზოგადი რეკომენდაციები, რისი გათვალისწინებაც დაგეხმარებათ მიზნის მიღწევაში.
- თქვენი აკადემიური მოსწრების მაღალი მაჩვენებლები, კონფერენციებსა და ოლიმპიადებში მონაწილეობა (არ არის აუცილებელი გამარჯვება ან საპრიზო ადგილებზე გასვლა), ძალიან დიდი პლიუსია უცხო ენის იმაზე უფრო მაღალ დონეზე ცოდნა, ვიდრე ეს გათვალისწინებულია მიმღები უნივერსიტეტის მოთხოვნით.
- აჩვენეთ რომ გაქვთ ლიდერის თვისებები. ლიდერობის პოტენციალს ძალიან დიდ მნიშვნელობას ანიჭებენ. ამ თვისებების ჩვენება გამოიხატება სხვადასხვა სტუდენტურ არჩევით ორგანოებში მონაწილეობით, მაგ. სტუდენტური თვითმმართველობაში აქტიურობით, ვოლონტიოტულ ღონისძიებებში მონაწილეობითადგილობრივ სამზოგადოებრივ ორგანიზაციების ცხოვრებაში მონაწილეობით. ამით თქვენ აფიქსირებთ, რომ გაქვთ აქტიური ცხოვრებისეული პოზიცია.
- აჩვენეთ რომ ხართ მოტივირებული, დეტალებისადმი ყურადღებიანი და პროფესიონალურად უდგებით თქვენ საქმეს. ეს გამოიხატება იმაში, თუ რამდენად კვალიფიციურად და მოთხოვნების გათვალისწინებით შეავსებთ და გააფოორმებთ თქვენს განაცხადს. ამას უდიდესი ყურადღება ექცევა, რადგან საკონკურსო კომისიას სწორედ ეს უქმნის თქვენს შესახებ პირველად შთაბეჭდილებას. ანკეტა, ესსე და სარეკომენდაციო წერილები უნდა ასახავდეს თქვენს მოტივაციას და პროფესიონალიზმს. ზუსტად მისდიეთ ინსტრუქციებს, თუ მოითხოვენ რომ წარადგინოთ 500 სიტუვიანი ესსე და თქვენ გააგზავნით 1000 სიტყვიანს, შეიძლება განაცხადის განუხილველადვე დისკვალიფიკაცია მიიღოთ. დაუშვებელია უყურადღებობა და გრამატიკული შეცდომების დაშვება, რომ არაფერი ვთქვათ ფაქტობრივ შეცდომებზე.
- იქონიეთ ძლიერი სარეკომენდაციო წერილები თქვენი პედაგოგებისაგან, სამეცნიერო ხელმძღვანელისაგან ან დამსაქმებლისაგან, რაც საბოლოო სიტყვას იტყვის თქვენს სასარგებლოდ.